ഒളവണ്ണ
21 ആഗസ്റ്റ് 2024
വയനാട് ദുരന്തബാധിതരെ സഹായിക്കുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒളവണ്ണ സർവ്വീസ് സഹകരണ ബാങ്ക് 2 ലക്ഷം രൂപ സംഭാവന ചെയ്തു. ബാങ്ക് പ്രസിഡണ്ട് വി വിജയൻ 2 ലക്ഷം രൂപയ്ക്കുള്ള ചെക്ക് കുന്ദമംഗലം നിയോജക മണ്ഡലം എം എൽ എ
അഡ്വ: പി ടി എ റഹീമിന് കൈമാറി.
ബാങ്ക് പ്രസിഡണ്ടിന്റെ ഒരു മാസത്തെ ഓണറേറിയവും ഭരണ സമിതി അംഗങ്ങളുടെ ഒരു മാസത്തെ സിറ്റിങ്ങ് ഫീസും ജീവനക്കാരുടെ ഒരു ദിവസത്തെ വേതനവും ഫണ്ടിലേക്ക് നൽകി.ആഗസ്റ്റ് 16ന് ശനിയാഴ്ച ബാങ്കിൽ സംഘടിപ്പിച്ച ചടങ്ങിൽ ബാങ്ക് പ്രസിഡണ്ട് അദ്ധ്യക്ഷനായി. കെ സി ഇ യു സംസ്ഥാന കമ്മിറ്റി അംഗം കെ ബൈജു ഏരിയ പ്രസിഡണ്ട് എൻ രജീഷ് ഡയരക്ടർ ബാബു കക്കാട്ട് സെക്രട്ടറി കെ ജിഷ്ണു എന്നിവർ സംസാരിച്ചു.