ശനിയാഴ്ച്ചയോടെ റോഡ് തുറക്കും..

ഒളവണ്ണ

08 ജൂൺ 2022

ഏറെ നാൾ വലിയ വിവാദങ്ങൾക്കും പ്രതിഷേധങ്ങൾക്കും കാരണമായ റോഡ് മുറിച്ചുള്ള കലുങ്ക് നിർമ്മാണം പൂർത്തിയായി. ഒളവണ്ണ പഞ്ചായത്തിലെ കുന്നത്ത് പാലം - കൊടിനാട്ടുമുക്ക് റേഡിൽ വന്ദന സ്റ്റോപ്പിനു സമീപമാണ് കലുങ്ക് പണിതത്.

 റോഡ് കുറുകെ മുറിച്ച് പ്രവർത്തി ആരംഭിച്ചതോടെ ഈ വഴിയുള്ള ഗതാഗതം പൂർണമായും തടസപ്പെട്ടിരുന്നു. നിർമ്മാണ വേളയിൽ പൊട്ടിയ കുടിവെള്ള വിതരണ പൈപ്പുകൾ ശരിയാക്കുന്നതിലുണ്ടായ കാലതാമസവും വലിയ പ്രതിഷേധത്തിന് കാരണമായി. 

കലുങ്കിൻ്റെ  പണി പൂർത്തിയായെങ്കിലും  ഈ ഭാഗത്ത് റോഡിന്  അടിയിലൂടെ പോകുന്ന വൈദ്യുതി കേബിൾ ഇനിയും മാറ്റി സ്ഥാപിച്ചിട്ടില്ല. 

                   (ഫയൽ ചിത്രം)
ഇത് മാറ്റുന്നതിനായി ഇനിയും റോഡ് പൊളിക്കേണ്ടിയും വരും. കേബിൾ മാറ്റിയില്ലെങ്കിൽ നീരൊഴുക്ക് തടസപ്പെടുമെന്ന കാര്യത്തിലും രണ്ട് മതമില്ല.