പന്തീരങ്കാവ്
17 ജൂലൈ 2022
തുടർച്ചയായി മഴ കൊള്ളുന്നതിനാൽ ഇവയെല്ലാം തുരുമ്പെടുത്ത് ഉപയോഗശൂന്യമാകും എന്ന ആശങ്കയാണ് ഉയരുന്നത്. മഴ തുടരുന്ന സാഹചര്യത്തിൽ ഇവയെല്ലാം ഒരു താർ പായ കൊണ്ട് മൂടാൻ പോലും ഉദ്യോഗസ്ഥരും താൽപര്യമെടുത്തില്ല. അടിയന്തിരമായി മേൽകൂര പണിതില്ലെങ്കിൽ ലക്ഷങ്ങൾ മുടക്കി വാങ്ങിയ 6 ഉപകരണങ്ങളും വൈകാതെ ആക്രിയാകും.
പൊതുജനങ്ങൾക്ക് ഇവയെല്ലാം ഉപയോഗിക്കാൻ അവസരമൊരുക്കാനാണ് തുറന്ന സ്ഥലത്ത് ഇവ സ്ഥാപിച്ചതെന്നാണ് ഉത്ഘാടന ചടങ്ങിൽ അധികൃതർ പറഞ്ഞിരുന്നത്. 2021 ആഗസ്റ്റ് 17നാണ് ഈ ഓപ്പൺ ജിം ഉത്ഘാടനം ചെയ്തത്. കോഴിക്കോട് ബ്ലോക് പഞ്ചായത്ത് സജ്ജീവനി പദ്ധതിയിൽ പെടുത്തി മൂന്ന് ലക്ഷത്തി പതിനായിരം രൂപ ചിലവിലാണ് ഉപകരണങ്ങൾ വാങ്ങിയത്.
സമീപകാലത്ത് കെട്ടിടങ്ങളുടെ അറ്റകുറ്റപണി നടത്തിയതോടെ ജിമ്മിനോട് ചേർന്നുള്ള ഭാഗങ്ങളിൽ നിരവധി ലോഹ വസ്തുക്കൾ കൂട്ടിയിട്ടിരിക്കുകയാണ്.