19 ഡിസംബർ 2022
രാമനാട്ടുകര പാറമ്മൽ ഭാഗത്ത് ദേശിയ പാതയിൽ അണ്ടർ പാസ് അനുവദിക്കണമെന്നാവശ്യപ്പെട്ട് പ്രക്ഷോഭം നടത്തുമെന്ന് നാട്ടുകാർ. ഈ ആവശ്യം ഉന്നയിച്ച് 2023 ജനുവരി 1 ന് പാറമ്മൽ ജംഗ്ഷനിൽ ഹൈവേ ഉപരോധം നടത്തുവാൻ തീരുമാനിച്ചതായി ദേശീയപാത പാറമ്മൽ- പുതുക്കോട് അണ്ടർ പാസ് ആക്ഷൻ കമ്മറ്റി അറിയിച്ചു.
ദേശീയപാത നവീകരണം പൂർത്തിയാകുന്നതോടെ പാറമ്മൽ പുതുക്കാട് ഭാഗങ്ങളിലുള്ളവർക്ക് ഏറെ ദൂരം സഞ്ചരിച്ചു മാത്രമേ മറുഭാഗത്തേക്ക് കടക്കാനാവും. അതു കൊണ്ട് ഈ ഭാഗത്ത് അടിപ്പാത വേണമെന്നാണ് നാട്ടുകാരുടെ ആവശ്യം. ഈ ആവശ്യം മുൻനിർത്തി കേന്ദ്ര സംസ്ഥാന മന്ത്രിമാർക്കും എം.എൽ.എമാർക്കും നിവേദനം നൽകിയിട്ടുണ്ട്. വിഷയത്തിൽ അടിയന്തിര നടപടി വേണമെന്നാവശ്യമുയർത്തി 2022 ഡിസംബർ 23ന് വെള്ളിയാഴ്ച്ച വൈകുന്നേരം മുതൽ പാറമ്മൽ ജംഗ്ഷനിൽ പൊതുജന ധർണ്ണയും സംഘടിപ്പിക്കാനാണ് ആക്ഷൻ കമ്മറ്റി തീരുമാനം.