02 ഡിസംബർ 2022
വയനാട് ചുരത്തിൽ ഓടിക്കൊണ്ടിരിക്കെ വാഹനത്തിൽ തീ പടർന്നു.
ഇന്ന് രാവിലെ11.30 മണിയോടെ ചുരം കയറി പോകവെ ആറാം വളവിലെത്തിയപ്പോഴാണ് ടെമ്പോ ട്രാവലറിൽ തീ പടർന്നത്. തീ ശ്രദ്ധയിൽ പെട്ട ഉടൻ വാഹനം അരികു ചേർത്ത് നിർത്തി ആളുകളെയെല്ലാം പുറത്തിറക്കാൻ കഴിഞ്ഞതിനാൽ വലിയ ദുരന്തം ഒഴിവായി.
നിമിഷങ്ങൾക്കകം തീ ആളിപ്പടർന്ന് വാഹനം പൂർണ്ണമായും കത്തിനശിച്ചു. കോഴിക്കോട് നിന്നും വയനാട് കാക്കവയലിലേക്കുള്ള യാത്രയിലാണ് അപകടം. യാത്രക്കാരുടെ ഫോണുകളും രേഖകളടങ്ങുന്ന ലഗേജുകളും കത്തിനശിച്ചു.
ചുരം സംരക്ഷണ സമിതിയും പൊലിസും ഫയർഫോഴ്സും സ്ഥലത്ത് എത്തിയിരുന്നു.