ഒളവണ്ണ
23 ജനുവരി 2024
ആദ്യ മത്സരത്തിൽ തന്നെ ബോഡി ബിൽഡിംഗിൽ കവിതക്ക് ഒന്നാം സ്ഥാനം. കോഴിക്കോട് അത്ലറ്റ് ഫിസിക് അലയൻസ് സംഘടിച്ച കോഴിക്കോട് ജില്ലാതല മത്സരം 2024 ൽ ആണ് വനിതാ വിഭാഗത്തിൽ പി കവിത (37) ഒന്നാം സ്ഥാനം നേടിയത്.
ജനവരി 20 ന് അസ്പിൻ കോർട്ട് യാർഡിൽ ആണ് മത്സരം നടന്നത്. നർത്തകിയും നൃത്ത അധ്യാപികയുമായ ഇവർ ആറ് മാസത്തെ മാത്രം പരിശീലനത്തിലൂടെയാണ് സ്വപ്നം സാക്ഷാൽകരിച്ചത്.
കുന്നത്ത് പാലം വാലിക്കൽ വീട്ടിൽ നിധീഷിൻ്റെ ഭാര്യയും രണ്ട് കുട്ടികളുടെ അമ്മയുമാണ് കവിത.
നിധീഷ് വർഷങ്ങളായി ജിമ്മിൽ പരിശീലനം നടത്തി വരുന്നുണ്ട്. ഭർത്താവിൻ്റെ താല്പര്യം കൊണ്ടാണ് ഈ രംഗത്തേക്ക് വന്നതെന്ന് കവിത പറഞ്ഞു.
പുത്തൂർമഠം പെരിശ്ശേരി മീത്തൽ വേലായുധൻ, കാർത്തി ദമ്പതികളുടെ മൂന്ന് മക്കളിൽ മൂത്തവളാണ് കവിത.