മുരുകനാട് ക്ഷേത്രത്തിൽ ഉത്സവമായി ..

ഒളവണ്ണ

23 ജനുവരി 2024

മുരുകനാട്  ശ്രീ സുബ്രഹ്മണ്യ മഹാക്ഷേത്രത്തിലെ ഉത്സവം ഇന്ന് കൊടിയേറും.

ഏഴു ദിവസം നീളുന്ന ഉത്സവത്തിന് തിങ്കളാഴ്ച വൈകീട്ട് നടത്തിയ ശുദ്ധി ക്രിയകളോടെ തുടക്കമായി.തുടർന്ന് പ്രസാദ ശുദ്ധി, അസ്ത്രകലശം, രക്ഷോഭ 

ഹോമം, വാസ്തു ഹോമം, വാസ്തു കലശം, വാസ്തുബലി, വാസ്തു കലശാഭിഷേകം, അത്താഴ പൂജ 

എന്നിവയും നടന്നു.

ചൊവ്വാഴ്ചയാണ്  കൊടിയേറ്റം നടക്കുന്നത്. ഉത്സവത്തിൻ്റെ ഭാഗമായി വിവിധ കലാപരിപാടികളും ക്ഷേത്രത്തിൽ നടക്കും.

ക്ഷേത്രം തന്ത്രി കക്കാട് സുബ്രഹ്മണ്യൻ നമ്പൂതിരിപ്പാടിൻ്റെ  കാർമികത്വത്തിലാണ് ഉത്സവം നടക്കുന്നത്.

പ്രദേശത്തെ നൂറ്റാണ്ടുകൾ പഴക്കമുള്ള ഏക സുബ്രഹ്മണ്യ ക്ഷേത്രമാണിത്.  ഈ നാടിൻ്റെ പേര്  തന്നെ ഈ ക്ഷേത്രവുമായി ബന്ധപ്പെട്ടതാണെന്നാണ് വിശ്വാസം. ഒന്നര ഏക്കറോളം സ്ഥലത്ത് വ്യാപിച്ചുകിടക്കുന്ന ക്ഷേത്രത്തിൻ്റെ പുരാതനമായ ക്ഷേത്രക്കുളം നവീകരണ പ്രവർത്തനങ്ങളും നടക്കുന്നുണ്ട്. നാനാജാതി വിഭാഗങ്ങളും ഉൾക്കൊള്ളന്ന കമ്മറ്റിയാണ് ക്ഷേത്രത്തിൻ്റെ പ്രവർത്തനങ്ങൾ ഏകോപിപ്പിക്കുന്നത്.