കല്ലായിപ്പുഴയിൽ ദുരന്ത നിവാരണ സേന..

പാലാഴി

24 മാർച്ച് 2024

താലൂക്ക് ദുരന്തനിവാരണ സേനാംഗങ്ങൾ പുഴയിൽ വീണു കിടന്ന മരങ്ങൾ മുറിച്ചു മാറ്റി. കല്ലായിപ്പുഴ (മാമ്പുഴ) യുടെ പയ്യടി മീത്തൽ കണ്ണൻ ചിന്നൻ പാലത്തിന് സമീപത്ത് നിരവധി മരങ്ങൾ തീരത്ത് നിന്നും പുഴയിലേക്ക് വീണ് കിടക്കുകയായിരുന്നു. ഈ ഭാഗങ്ങളിൽ മാലിന്യങ്ങളും അടിഞ്ഞ് കൂടിയിരുന്നു.

മാമ്പുഴ സംരക്ഷണ സമിതിയുടെ അഭ്യർത്ഥന പ്രകാരം  എത്തിയ ടി ഡി ആർ എഫ് സംഘം പുഴയിൽ കിടന്നിരുന്ന തെങ്ങും മറ്റു മരങ്ങളും മുറിച്ച് മാറ്റി പുഴ ശുചീകരിച്ചു.  TDRF ചീഫ് കോർഡിനേറ്റർ ഉമറലി ശിഹാബിന്റെനിർദ്ദേശം

അനുസരിച്ച്  ജില്ലാ കോർഡിനേറ്റർ മഠത്തിൽ അസീസിൻ്റെ നേതൃത്വത്തിലാണ് പ്രവർത്തികൾ തടത്തിയത്. 

സലീം കൊമ്മേരി, നൗഷാദ് നല്ലളം, മിർഷാദ് ഒളവണ്ണ, വിപിൻ തുവശ്ശേരി, FLS സിദ്ദിഖ്, റഷീദ് വെള്ളായിക്കോട്, അഭിജിത്, അൻവർ ജവാദ് തുടങ്ങി നാൽപതോളം വളണ്ടിയർമാർ ശുചീകരണ പ്രവൃത്തിയിൽ പങ്കാളികളായി.

പെരുമണ്ണ പഞ്ചായത്ത്‌ മെമ്പർ ദീപയും മാമ്പുഴ സംരക്ഷണ സമിതി ഭാരവാഹികളും വളണ്ടിയർമാരെ അനുമോദിച്ചു.