കൊച്ചി
29 ഏപ്രിൽ 2024
വാട്ടർമെട്രോയുടെ വൈപ്പിന് – എറണാകുളം റൂട്ടിലെ ചാര്ജ് കൂട്ടി. 50 ശതമാനം വർധനയാണ് കൊണ്ടുവന്നത്. ഇതോടെ 20 രൂപ ചാർജ് 30 രൂപയായി ഉയർന്നു.
ഈയിടെ ആരംഭിച്ച ഹൈക്കോര്ട്ട് – ഫോർട്ട് കൊച്ചി റൂട്ടിൽ 40 രൂപയാണ് ടിക്കറ്റ് നിരക്ക്. വിദേശ സഞ്ചാരികൾ ഉൾപ്പെടെ ഏറെ യാത്രക്കാരുള്ള റൂട്ടാണ് ഫോർട്ട് കൊച്ചി റൂട്ട്. 20 മുതല് 30 മിനിറ്റുകളുടെ ഇടവേളകളിൽ ഹൈകോര്ട്ട് മുതല് ഫോര്ട്ട് കൊച്ചിവരെ വാട്ടര് മെട്രോ സര്വിസ് നടത്തുന്നുണ്ട്.
2023 ഏപ്രിലിലാണ് വാട്ടര് മെട്രോ സര്വീസ് ആരംഭിച്ചത്. തുടക്കം മുതലേ വൈപ്പിന് – എറണാകുളം സർവീസ് ഉണ്ടായിരുന്നു. ഫോര്ട്ട് കൊച്ചിയിലേക്കുള്ള സർവീസ് ഈ ഏപ്രിൽ 21 നാണ് ആരംഭിച്ചത്. കഴിഞ്ഞ മാസം വാട്ടര് മെട്രോ സര്വീസ് ചേരാനെല്ലൂരിലേക്കും വ്യാപിപ്പിച്ചിരുന്നു. നിലവില് അഞ്ച് റൂട്ടുകളിലാണ് വാട്ടര് മെട്രോ സര്വീസ് നടത്തുന്നത്. 14 ബോട്ടുകളാണ് വാട്ടര് മെട്രോയ്ക്കുള്ളത്.