പന്തീരാങ്കാവ്
26 ജൂൺ 2024
പന്തീരാങ്കാവ് ഗാർഹിക പീഡനക്കേസ് റദ്ദാക്കണമെന്ന പ്രതിയുടെ ഹരജി തള്ളണമെന്ന് ഹൈക്കോടതിയിൽ പൊലീസ് ആവശ്യപ്പെട്ടു.. പരാതിക്കാരിയായ യുവതി മൊഴി മാറ്റിയത് പ്രതി രാഹുലിന്റെ സമ്മർദ്ദത്തെ തുടർന്നാണെന്ന് അന്വേഷണസംഘം ഹൈക്കോടയിൽ റിപ്പോർട്ട് നൽകി. യുവതി പൊലീസ് സ്റ്റേഷനിൽ നേരിട്ട് എത്തിയാണ് ഭർത്താവായ രാഹുലിനെതിരെ പരാതി നൽകിയതെന്നും റിപ്പോർട്ടിലുണ്ട്.
പന്തീരാങ്കാവ് ഗാര്ഹിക പീഡനക്കേസ് ഒത്തുതീര്പ്പായെന്നാണ് പ്രതി ഹൈക്കോടതിയില് അറിയിച്ചത്. എന്നാൽ എഫ്ഐആർ റദ്ദാക്കണമെന്നാവശ്യപ്പെട്ടുള്ള പ്രതി രാഹുലിന്റെ ഹർജിയില് സർക്കാരിനും പന്തീരാങ്കാവ് എസ്എച്ച്ഒയ്ക്കും പരാതിക്കാരിക്കും കോടതി നോട്ടീസ് അയക്കുകയായിരുന്നു.
ഈ നോട്ടീസിനുള്ള മറുപടി ആയിട്ടാണ് പൊലീസ് കോടതിയിൽ റിപ്പോർട്ട് നൽകിയത്.