മണക്കടവ്
11 ജൂലൈ 2024
ഒളവണ്ണ പെരുമണ്ണ പഞ്ചായത്തുകളിൽ പെട്ടുന്ന ചന്ദനാട്ടു പാടം തോട് നവീകരിച്ചു. പണ്ടാരച്ചാലി മണക്കടവ് വഴി ചാലിയാറിലേക്ക് ഒഴുകുന്ന പ്രധാന തോടാണിത്.
ജില്ലാ പഞ്ചായത്ത് അനുവദിച്ച 25 ലക്ഷം രൂപ ചിലവിട്ടാണ് തോടിൻ്റെ 700 മീറ്ററോളം ഭാഗം നവീകരിച്ചത്. ജൂലൈ 10 ന് ബുധനാഴ്ച വൈകുന്നേരം ചന്ദനാട്ടു പാടം വായോളി താഴത്ത് തോട്ട് വക്കിൽ ഒരുക്കിയ ചടങ്ങ് ജില്ലാ പഞ്ചായത്ത് വൈസ് പ്രസിഡണ്ട് പി.ഗവാസ് ഉത്ഘാടനം ചെയ്തു.
ജില്ലാ പഞ്ചായത്ത് മെമ്പർ രാജീവ് പെരുമൺ പുറ അദ്ധ്യക്ഷനായ ചടങ്ങിൽ ഒളവണ്ണ ഗ്രാമ പഞ്ചായത്ത് പ്രസിഡൻ്റ് മുഖ്യാതിഥിയായി.
കോഴിക്കോട് ബ്ലോക്ക് പഞ്ചായത്ത് മെമ്പർ സുജിത്ത് കാഞ്ഞോളി, കുന്ദമംഗലം ബ്ലോക്ക് പഞ്ചായത്ത് മെമ്പർ ശ്യാമള പറശ്ശേരി, ഗ്രാമ പഞ്ചായത്തംഗം ഷാജി
പനങ്ങാവിൽ, കെ.പ്രേമദാസൻ തുടങ്ങിയവർ സംസാരിച്ചു.
