പന്തീരാങ്കാവ്
05 സപ്തംബർ 2024
പന്തീരാങ്കാവ് ഗണേശ സാധനാ കേന്ദ്രത്തിൽ 28-മത് വിനായക ചതുർത്ഥി മഹോത്സവം കൊടിയേറി.
ഗണേശസാധനാ കേന്ദ്രം ആചാര്യ ശ്രീലശ്രീ ആനന്ദ്യംബാ ധ്വജാരോഹണം നടത്തിയതോടെയാണ് പന്തീരാങ്കാവ് ഗണേശസാധനാകേന്ദ്രം, ശ്രീമംഗളചണ്ഡികാസിദ്ധമഹാവിനായകക്ഷേത്രത്തിൽ വിനായക ചതുർത്ഥി മഹോത്സവത്തിന് തുടക്കമായത്.
വിവിധപൂജകൾ, ഹോമങ്ങൾ, ഗണേശ- ലളിതാ സഹസ്രനാമ ലക്ഷാർച്ചനകൾ, സകലവിദ്യാദായക ഹോമം, പ്രഭാഷണം, ശ്രീദുർഗാ സപ്തശതീ പാരായണ സഹിതശ്രീ മംഗളചണ്ഡികാ ഹോമം,1008 കൊട്ടതേങ്ങ കൊണ്ടുള്ള അഷ്ടദ്രവ്യ മഹാഗണപതിഹോമം തുടങ്ങിയ വിവിധ പരിപാടികൾ മഹോൽസവത്തിൻ്റെ ഭാഗമായി നടക്കും. സെപ്റ്റംബർ 5 മുതൽ 8 വരെ നീണ്ടു നിൽക്കുന്ന ചതുർത്ഥി ആഘോഷങ്ങൾക്ക് ഗണേശസാധനാകേന്ദ്രം ആചാര്യ ശ്രീലശ്രീ ആനന്ദ്യംബാ നേതൃത്വം നൽകും.