യങ് ഡെമോക്രാറ്റ്സ് കുന്ദമംഗലം അസംബ്ലി കമ്മിറ്റി നിലവിൽ വന്നു; യുവതയുടെ കരുത്ത് തെളിയിച്ച് കുന്ദമംഗലത് സ്വീകരണ റാലി.

20/09/2026

ഞായർ 

സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യയുടെ (എസ്.ഡി.പി.ഐ) യുവജന വിഭാഗമായ യങ് ഡെമോക്രാറ്റ്സിന്റെ കുന്ദമംഗലം അസംബ്ലി കമ്മിറ്റി നിലവിൽ വന്നു. കാരന്തൂർ അജ്‌വ ഓഡിറ്റോറിയത്തിൽ നടന്ന കുന്ദമംഗലം അസംബ്ലി യൂത്ത് കൗൺസിലിൽ പുതിയ കമ്മിറ്റിയെ പ്രഖ്യാപിച്ചു.

എസ്ഡിപിഐ മണ്ഡലം ട്രഷറർ അഹമ്മദ് നദ്‌വി, യങ് ഡെമോക്രാറ്റ്സ് ജില്ലാ ഓർഗനൈസിംഗ് കമ്മിറ്റി അംഗം ശുഹൈബ്, വിമൻ ഇന്ത്യ മൂവ്മെന്റ് മണ്ഡലം സെക്രട്ടറി സ്വാലിഹ, എസ്ഡിടിയു മണ്ഡലം ഇൻ ചാർജ് അഷ്റഫ് കെ ടി, എന്നിവർ ആശംസകൾ അർപ്പിച്ച് സംസാരിച്ചു. തുടർന്ന് കുന്ദമംഗലം ടൗണിൽ പുതിയ ഭാരവാഹികൾക്ക് അഭിവാദ്യമർപ്പിച്ച് ബാൻഡ് വാദ്യങ്ങളുടെയും കോൽക്കളിയുടെയും അകമ്പടിയോടെ  വർണശബളമായ സ്വീകരണ റാലിയും നടന്നു. ആവേശകരമായ മുദ്രാവാക്യങ്ങളും യുവതയുടെ സാന്നിധ്യവും കൊണ്ട് റാലി ശ്രദ്ധേയമായി.