കോട്ടൂളി തണ്ണീർത്തടം സംരക്ഷിക്കണം - നദീസംരക്ഷണ സമിതി

 കോഴിക്കോട്: നാശത്തിന്റെ വക്കിലെത്തി നിൽക്കുന്ന കോട്ടൂളി തണ്ണീർത്തടത്തെ സംരക്ഷിക്കാൻ അധികൃതർ തയ്യാറാകണമെന്നും തണ്ണീർത്തടങ്ങളിലേക്ക് മാലിന്യങ്ങൾ തള്ളുന്ന സ്ഥാപനങ്ങൾക്കെതിരെ ശിക്ഷാനടപടികൾ സ്വീകരിക്കണമെന്നും ലോക തണ്ണീർത്തട ദിനാചരണത്തിൽ സരോവരം ബയോപാർക്കിൽ കേരള നദീസംരക്ഷണ സമിതിയുടെ ആഭിമുഖ്യത്തിൽ നടന്ന സമ്മേളനം ആവശ്യപ്പെട്ടു.

പ്രൊഫ: ടി. ശോഭീന്ദ്രൻ സമ്മേളനം ഉദ്ഘാടനംചെയ്തു.

ടി.വി.രാജൻ അധ്യക്ഷനായി.

കോഴിക്കോട് എ.ഡി.എം.രോഷ്ണി നാരായണൻ മുഖ്യപ്രഭാഷണം നടത്തി.യു.രാമചന്ദ്രൻ, എം .ശ്രീവത്സൻ, ശ്രീധരൻ നെല്ല്യാടി, സുമ പള്ളിപ്രം, ഗോപാലൻ മണാശ്ശേരി എന്നിവർ സംസാരിച്ചു. ജിജിൻ ലാൽ, മൃദുൽ ബാലുശ്ശേരി എന്നിവരുടെ നേതൃത്വത്തിൽ ഗവ: ഹോമിയോ കോളേജിലെ വിദ്യാർത്ഥികളും ചടങ്ങിൽ സംബന്ധിച്ചു.

കോട്ടൂളി തണ്ണീർത്തടങ്ങളിലെ ജൈവവൈവിധ്യത്തെയും കണ്ടൽകാടുകളേയും കുറിച്ച് അറിയുവാനുമായി സംഘം മേഖലയിലാകെ സന്ദർശനം നടത്തി.