കോഴിക്കോട്
05 ജൂലൈ 2023
ജില്ലയിലാകെ ശക്തമായ മഴ തുടരുകയാണ്.
കോഴിക്കോട് പട്ടണത്തിൽ വെള്ളക്കെട്ട് തുടരുകയാണ്. നാട്ടിൻ പുറങ്ങളിൽ പുഴകളും തോടുകളും വയലുകളും നിറഞ്ഞ് കവിഞ്ഞൊഴുകയാണ്. പാലാഴി, കെ.ടി. താഴം ഭാഗങ്ങളിൽ വീടുകളിൽ വെള്ളം കയറിത്തുടങ്ങിയിട്ടുണ്ട്. പെരിങ്കൊല്ലൻ തോട് നിറഞ്ഞൊഴുകുയാണ്. കല്ലായി പുഴയുടെ ഒളവണ്ണ പെരുമണ്ണ പഞ്ചായത്തുകളിലെ ഭാഗങ്ങൾ നിറഞ്ഞൊഴുകുകയാണ്. പുഴക്ക് കുറുകെ പുഴമ്പുറത്ത് നിർമ്മിച്ച പെട്ടിക്കലുങ്കിൽ തട്ടി മാലിന്യങ്ങൾ മുകൾഭാഗത്ത് അടിഞ്ഞ് കിടക്കുകയാണ്.
പാലത്തിൻ്റെ അടിത്തട്ടിൽ മണ്ണ് അടിഞ്ഞ് പുഴയുടെ ആഴം നഷ്ടമാകുന്നു എന്ന ആരോപണവും ഉയർന്നിട്ടുണ്ട്.
ദേശീയപാതയിൽ മഴ കനത്തതോടെ ഗതാഗത കുരുക്ക് രൂക്ഷമാണ്. കെ.ടി. താഴം ഭാഗത്തെ റോഡിൽ വലിയ കുഴി രൂപപ്പെട്ടത് ബുധനാഴ്ച രാവിലെ വലിയ ഗതാഗത സ്തംഭനമുണ്ടാക്കി.
ട്രാഫിക് പൊലീസാണ് സമീപത്ത് നിന്നും കല്ലുകൾ കൊണ്ട് വന്ന് കുഴി നികത്തിയത്.
പാലാഴി പ്രദേശത്ത് മരങ്ങൾ പൊട്ടിവീണ് വീടുകൾക്ക് കേടുപാടുകൾ ഉണ്ടായി.
കുന്നത്തു പാലം ഇറിഗേഷൻ ഷട്ടറിന് സമീപമുള്ള മരം കടപുഴകി വീണു.
ഒളവണ്ണയിലെ തവുട്ടേരി കുന്ന്, കോമലക്കുന്ന്, ഗുരുവായൂരപ്പൻ കോളജ് കുന്ന് എന്നിവിടങ്ങളിൽ മണ്ണിടിച്ചിൽ ഭീഷണിയുണ്ട്. ഒളവണ്ണ കൊടി നാട്ടുമുക്കിന് സമീപം ഒരു വീട്ടിലെ കിണർ ഇടഞ്ഞ് താഴ്ന്നു.
ഒരു അഭിപ്രായം പോസ്റ്റ് ചെയ്യൂ