കുറിഞ്ഞോടത്ത് പാലത്തെ അബ്കാരി പിടിയിൽ..

പന്തീരാങ്കാവ്

12 സപ്തംബർ 2023

വിദേശ മദ്യവിൽപനക്കാരൻ പൊലീസ് പിടിയിലായി. 56 വയസ്സുള്ള പെരുമണ്ണ കുറിഞ്ഞോടത്ത് പാലം  നന്ദകുമാറിനെയാണ് പന്തീരങ്കാവ് പൊലീസ് അറസ്റ്റ് ചെയ്തത്.

 ആവശ്യക്കാർക്ക് സ്കൂട്ടറിൽ മദ്യം എത്തിച്ച് നൽകിയ ഇയാൾ പ്രധാനമായും കുറിഞ്ഞോടത്ത്‌ പാലം കേന്ദ്രീകരിച്ചാണ് അനധികൃത മദ്യവിൽപന നടത്തിവന്നത്. ഇയാളുടെ വാഹനവും വാഹനത്തിൽ സൂക്ഷിച്ച 12 കുപ്പികളിലായുള്ള 6 ലിറ്റർ വിദേശ മദ്യവും പൊലീസ് പിടിച്ചെടുത്തു. 

ഇയാളുടെ വില്പന സജീവമായതിനാൽ ദുര സ്ഥലത്ത് നിന്നു പോലും മദ്യം വാങ്ങുവാൻ ആളുകൾ എത്തുകയും കുറുഞ്ഞോടത്ത് പാലത്ത് പരസ്യ മദ്യപാനം സജീവമാവുകയും ചെയ്തിതിരുന്നു. അറസ്റ്റിലായ നന്ദകുമാർ എക്സൈസൈസ് കേസുകളിലടക്കം പ്രതിയാണ്.

പന്തീരങ്കാവ് എസ് ഐ ടി വി ധനഞ്ജയദാസ്, സി പി ഒ മാരായ

 രഞ്ചിഷ്, ബിഗിൻലാൽ, ധനേഷ് എന്നിവരാണ് നന്ദകുമാറിനെ പിടികൂടിയത്.