കോൺഗ്രസ്സിൽ വാക്പോര് തുടങ്ങിയോ..

തിരുവനന്തപുരം

05 ജനുവരി 2025

ചെന്നിത്തലക്കെതിരെ ഒളിയമ്പ് തൊടുത്ത് കെ മുരളീധരനും എം എം ഹസ്സനും. വരാനിരിക്കുന്ന തിരഞ്ഞെടുപ്പിൽ യുഡിഎഫ് ജയിക്കുമെന്നും രമേശ് ചെന്നിത്തല മുഖ്യമന്ത്രിയാകുമെന്നും ഉള്ള ചർച്ചകൾ പൊതുമണ്ഡലത്തിൽ ചൂടുപിടിക്കവേയാണ് കോൺഗ്രസ്സിനുള്ളിൽ നിന്നു തന്നെ അപശബ്ദം ഉയരുന്നത്. ആരെങ്കിലും പുകഴ്ത്തിയാൽ മുഖ്യമന്ത്രി ആകില്ല. അതിനൊക്കെ ചില രീതികൾ കോൺഗ്രസ്സിലുണ്ട് എന്നാണ് കെ മുരളീധരൻ്റെ മുനവച്ച പ്രതികരണം.

ചെന്നിത്തലുയുടെ പ്രസംഗത്തെ പലരും പുകഴ്ത്തിയ സാഹചര്യത്തിലാണ് പ്രതികരണം.

അതേ സമയം പങ്കെടുക്കുന്ന പരിപാടികളുടെ എണ്ണം നോക്കിയല്ല മുഖ്യമന്ത്രിയെ തീരുമാനിക്കുന്നത് എന്നാണ് എം.എം ഹസ്സൻ പറഞ്ഞത്. സമീപകാലത്ത് ചെന്നിത്തല പരിപാടികളിൽ സജീവമായതും അടുത്ത മുഖ്യമന്ത്രി എന്ന ചർച്ചകൾ സജീവമാവുകയും ചെയ്യുമ്പോഴാണ് ഹസ്സൻ്റെ പ്രതികരണം.

കോൺഗ്രസ്സിൽ വലിയ വാക്പോരിന് ഇത് തുടക്കം ആകുമെന്നാണ് സൂചന.