കോഴിക്കോട്
03 ജൂൺ 2025
സേവ് എനർജി സേവ് കേരള കാമ്പയിനിൻ്റെ ഭാഗമായി പെരുമണ്ണ ഗ്രാമപഞ്ചായത്തിൽ ഊർജ്ജ സംരക്ഷണ സെമിനാർ സംഘടിപ്പിച്ചു. പഞ്ചായത്ത് ഹാളിൽ ഗ്രാമപഞ്ചായത്ത് പ്രസിഡണ്ട് ഷാജി പുത്തലത്ത് പരിപാടി ഉത്ഘാടനം ചെയ്തു.
വിശ്വ ശാന്തി ഫൗണ്ടേഷൻ, ഹരിത കേരള മിഷൻ, സോഷ്യോ ഇക്കണോമിക് യൂണിറ്റ് ഫൗണ്ടേഷൻ എന്നിവർ സഹകരിച്ചാണ് പരിപാടി സംഘടിപ്പിച്ചത്.
എനർജി വരും തലമുറക്ക് കൂടി അവകാശപ്പെട്ടതാണെന്നും ഊർജ്ജത്തിൻ്റെ ഉപഭോഗം കരുതലോടെ വേണമെന്നും വിഷയത്തിൽ ക്ലാസ്സ് എടുത്ത അഡ്വ: പി. ജാനകി പറഞ്ഞു. നൂറിലേറെ ആളുകൾ പങ്കെടുത്ത പരിപാടിയിൽ തിരുവനന്തപുരത്ത് നടന്ന എൽ ഇ ഡി റിപ്പയറിംഗ് ക്യാമ്പിൽ പങ്കെടുത്ത ഹരിത കർമ്മ സേന അംഗങ്ങൾക്ക് സർട്ടി വിക്കറ്റുകൾ വിതരണം ചെയ്തു.
ചടങ്ങിൽ പഞ്ചായത്ത് വൈസ് പ്രസിഡണ്ട് സി.ഉഷ അധ്യക്ഷയായി.അസി.സെക്രട്ടറി എൻ സുരേഷ് കുമാർ, പി.ടി.പ്രസാദ്, ഉണ്ണിമായ മനോഹരൻ, ടി.പി രാധാകൃഷ്ണൻ തുടങ്ങിയവർ സംസാരിച്ചു.
ഒരു അഭിപ്രായം പോസ്റ്റ് ചെയ്യൂ